Teks Lagu Bek Teu Kabo

 🎵 BEK TEUKABO 🎵 

Bèek Teukabô.... 

Jaga Tutô Teuh Bèek Ria 

Ngön Sifeuët Ceula Bèek Ta Meulabô... 

Adat Teukabô Këön Neungui Gata... 

Reff : 

Bacut Leubèeh Ka Garang 

Bacut Jabatan Ka Bangga 

Goeb Hana Yum Ta Pandang 

Ta Meungieng Ngön Ikue Mata 

Bacut Kaya Ka geurangsang 

Bahô Manyang Busông Dada 

Bacut Tari Lagak Ruman 

Këön Wayang Diteuka Bangga 

Këön Pangkat Yang Tuhan Pandang Këön Keuh Ruman Yang Peubèeda Këön Harta Yang Tuhan Timang 

Bak Iman Geutilék Gata.... 

Reff : 

Bacut Ileumé Teuh Manyang 

Bak Nyum Sang-Sang Goeb Tan Harga 

Keupeu Dak Ileumé Manyang 

Meutan Ta Amai Keupue Guna 

Ta Ibadat Keu Piasan 

Ta Meu-Amai Keu Meuseunda 

Ibadat Këön Karna Tuhan 

Pujoë Insan Yang Ta Damba 

Ta Ibadat Uroe Malam 

Bak insan Ta Neuk Peunyata 

Meunoe Cara Meupiasan 

Bak Tuhan Bacut Tan Fahla 

Reff : 

Bak Iblih Dileè Phôn Asai 

Disinan Teukabô Mula 

Han Ditém Sujud Keu Adam 

Yue Tuhan Diteujeut Langga 

Yg Teukabô Benci Tuhan 

Han Toe Badan Ngön Syiruga 

Hudép Jiôh Rahmat Tuhan 

Neu-Ancam Asoe Nuraka 

Öh Tuhan Brie Kelebihan 

Peutimang Bèek Jeut Keu Ria 

Bèek Teukabô Keu Pakaian 

Benci Tuhan Bèek Ta Mita...

#teungkugampong